E tema di salud mental y kico ta biba bou nos studiantenan a bin dilanti. Diferente mentor a indica cu e problemanan di salud mental bou nos studiantenan ta creciente, especialmente despues di Covid-19. E rapport di e Ombudsman a indica cu studiantenan no ta buska ayudo profesional facil, of ta stop cu e trayecto di ayudo paso di un taal barierre (e diferencia di idioma) y falta di comprension di profesionalnan di Hulanda pa loke ta nos cultura y contexto di biba.
Durante e reunionan di IPKO mi a combersa cu e presidente di e comision di GGZ (geestelijke gezondheidszorg) di Staten di Hulanda pa wak con nos por stimula mas inclusion di nos studiantenan ora ta trata ayudo profesional pa problemanan di salud mental.
Mi ta kere cu si nos pone cabes hunto, discuti e retonan, pero especialmente pensa hunto cu studiantenan kico nos por haci hunto pa yega na solucionnan, nos por percura di yuda nos studiantenan aki na Hulanda yega nan potencial maximo.
#MishaRaymond #LuchaPeMucha #NosStudiantenan #Aruba #IPKO #MentalHealth
