Si e ley wordo aproba, Aruba lo ta e prome pais den reino Hulandes cu ta hancra Derecho di Mucha den Constitucion.

Riba 20 di november 2024, Dia Internacional di Derecho di Mucha, Parlamentario Misha Raymond ta entrega un ley di iniciativa pa hancra derecho di mucha den nos Constitucion. E ley ta contene articulonan pa proteccion di mucha, pa e desaroyo di mucha, obligacionnan pa Gobierno pa cu mucha, y mas. Asina mehorando e posicion di nos muchanan y creando un base legal mas fuerte pa e proteccion y desaroyo di nos muchanan.

#MishaRaymond #LuchaPeMucha #AmiTaCuMisha

Parlamentario y lider di fraccion RAIZ, Misha Raymond, a manda un carta pa Minister di Labor, Energia, y Integracion, Glenbert Croes, relaciona cu e investigacion Portulaca.

A puntra entre otro con e maneho tawata prome y despues cu Minister Croes a tuma e cartera over. Tambe a puntra con Minister Croes por garantisa integridad y confianza den e sistema di entrega di permiso despues cu e investigacion Portulaca a cuminsa.

Pa lesa e carta completo click aki:

Desde cu Parlamentario y lider di fraccion RAIZ, Misha Raymond, a cuminsa cu e lucha pa inclui logopedie den AZV 9 di november 2021, awe 1 di juni 2024, logopedie ta oficialmente wordo ofreci den e pakete basico di AZV.

Misha ta super contento cu e logro grandi aki, y kier stimula tur hende, especialmente mayornan cu tin muchanan cu mester di e tratamento specialisa aki, pa acudi na nan dokter di cas of specialista pa nan wordo referi pa haya tratamento di un logopedista.

Por bishita e link aki pa mas informacion: https://bit.ly/3yIHbLT

​ #MishaRaymond #LuchaPeMucha #LogopedieLogra #RaizDenParlamento

A trata e ley di traspaso di RWZI (rioolwaterzuiveringsinstallaties) den Parlamento di Aruba, pa regla e privatisacion di RWZI pa asina por cuminsa mehora e plantanan di purificacion. E compania nobo AWSS lo bay resorta bou di Utilities N.V.

Lo cuminsa cobra un sustainability fee di $20 na cada turista (via ED-card) pa un planta nobo, pa cubri e gastonan operacional, y pa por procesa y maneha e desperdicio. Tin algun grupo cu lo wordo exclui di paga e fee aki, manera mucha bou di 8 aña, repeat visitors, crew di aerolinea.

Locual no tawata incorpora den e ley di RWZI ta studiantenan cu a bay studia afo. Nan tambe cada biaha lo mester a paga e fee di $20. Misha a entrega un amienda, cambiando e proposicion di ley, pa asina tambe exclui studiantenan di Aruba, cu kier bin bishita nan isla bek, di mester paga e fee. E amienda a pasa cu sosten di parlamentarionan di RAIZ, MEP y MAS.

Parlamentarionan di AVP y Gerlien Croes a vota contra di e amienda aki.

Lider di fraccion di RAIZ, parlamentario Misha Raymond, a yama e comision 'Noor-Amerikaanse Relaties'.

Profesionalnan di DBB (Directie Buitenlandse Betrekking), a bin duna un impresion di con por traha hunto cu merca, unda pa cuminsa, y con Parlamento por haya ayudo di Merca.

E siguiente paso ta pa bin cu un vision, y pa delinea kico kier logra den e contacto cu Merca for di e comision aki.

Lider di fraccion di RAIZ, parlamentario Misha Raymond, ta sigui boga pa Parlamento trata e ley di matrimonio entre pareha di mesun sexo, dirigiendo un di dos carta na Presidente di Parlamento, Esaki despues cu Presidente di Parlamento a bisa cu e ley lo wordo trata durante prome siman di februari 2024 (cual no a tuma luga), y despues cu algun miembro di Parlamento ta purba di pospone e tratamento di e propuesta di ley.

​

Pa lesa e articulo y carta completo click Read More

​
Pa lesa e articulo completo click Read More

Den un reunion di comision di salubridad publico teni awe mainta, 22 di februari, e organo ehecutivo di AZV a presenta su plan multi-anual financiero. Parlamentario Misha Raymond, lider di Fraccion Raiz, a follow up riba varios punto drante e reunion, entre otro fisioterapia specialisa pa mucha.
​
Pa lesa e articulo completo click Read More

Parlamentario Misha Raymond, sosteni pa parlamentarionan Raymond Kamperveen y Miguel Mansur, a haci un peticion na Presidente di Parlamento pa yama un reunion publico pa trata e ley pa habri matrimonio entre parehanan di mesun sexo.

Pa lesa e articulo completo click Read More

Parlamentario y lider di fraccion Raiz, Misha Raymond, a tuma nota cu atrobe tin algun politico y periodista ta purba di crea sensacion rond di su persona. E biaha aki ta pa su ausencia durante un reunion publico cu mester a tuma luga den Parlamento, pa trata e presupuesto di TPEF (Tourism Product Enhancement Fund).

Pa lesa e articulo completo click Read More

Parlamentario y lider di fraccion Raiz, Misha Raymond, ta ricibi contestacion di Minister di Salubridad Publico, riba su carta manda relaciona cu e situacion na Hospital di Aruba, na unda ta pospone operacion debi na construccion.

#MishaRaymond #LuchandoPaAruba #RaizDenParlamento

Parlamentario y lider di fraccion Raiz, Misha Raymond, a tuma nota di un comunicado cu Minister di Salubridad Publico a saca, na unda ta duna di conoce cu ta pospone operacionnan cu tawata planea pa tuma luga den e luna aki, pa asina duna prioridad na pashent cu mester di cuido urgente.

Den e carta Misha ta haci varios pregunta critico na e Minister. Entre otro, ki tipo di operacion ta pospone, pa cuanto tempo ta pospone e operacionnan, y con esaki lo impacta e pashentnan cu no por wordo opera. Kier sa tambe cuanto biaha Hospital a pone un paro na operacionnan cu mester a tuma luga den e ultimo 5 añanan.

Tambe Misha a follow-up riba e constuccion cu ta tumando luga na Hospital, y ki impacto esaki por tin riba e capacidad di camber. A puntra si e capacidad actual ta suficiente pa Aruba, y si ta planea pa sigui construi na Hospital.

Parlamentario y lider di fraccion Raiz, Misha Raymond, ta keda en espera di contestacion di Minister di Salubridad Publico.

Pa lesa e carta completo click riba e link abou.

#MishaRaymond #LuchaPePueblo #RaizDenParlamento

𝑀𝑖𝑛𝑖𝑠𝑡𝑒𝑟 𝑑𝑖 𝑆𝑎𝑙𝑢𝑏𝑟𝑖𝑑𝑎𝑑 𝑃𝑢𝑏𝑙𝑖𝑐𝑜 𝑎 𝑐𝑜𝑛𝑓𝑖𝑟𝑚𝑎 𝑒𝑠𝑎𝑘𝑖
Dialuna 11 di december durante tratamento supletorio di presupuesto 2023, Parlamentario y lider di fraccion Raiz, Misha Raymond, a highlight e problematica cu mucha por enfrenta ora cu no tin fysiotherapie specialisa pa nan. Misha a bisa, "𝑈𝑛 𝑚𝑢𝑐ℎ𝑎 𝑐𝑢 𝑛𝑜 𝑝𝑜𝑟 𝑚𝑜𝑣𝑒, 𝑛𝑜 𝑝𝑜𝑟 ℎ𝑢𝑛𝑔𝑎. 𝑈𝑛 𝑚𝑢𝑐ℎ𝑎 𝑐𝑢 𝑛𝑜 𝑡𝑎 ℎ𝑢𝑛𝑔𝑎 𝑛𝑜 𝑡𝑎 𝑑𝑒𝑠𝑎𝑟𝑜𝑦𝑎". A boga tambe pa bin cu un solucion pa e problematica aki.

​Durante tratamento di presupuesto 2024 a bolbe follow-up riba e cuestion aki, mustrando cu tur mucha tin e derecho di no wordo discrimina na ningun manera. Esaki tambe kiermen cu muchanan cu tin un handicap, mester wordo yuda.

Parlamentario Misha Raymond a ilustra tambe cu den contestacion na pregunta cu ela haci por escrito, Minister a indica cu per 1 januari 2024 lo tin fysiotherapie pa mucha. E Minister di Salubridad Publico a confirma esaki tambe den e contestacion durante tratamento di presupuesto 2024. 🌱

#LuchaPeMucha #FysiotherapiePaMucha #MishaRaymond #TurMuchaTurDerecho #RaizDenParlamento

wak e video y haya sa kico Miinister di Telecomunicacion a contesta.

Ful e siman aki ta tratando e presupuesto di Gobierno pa aña 2024 den Parlamento di Aruba. Esaki ta e ley di mas importante y e oportunidad pa Parlamento haya sa kico ta e perspectivanan pa 2024 y unda Gobierno lo enfoka fondonan y ki proyecto lo bin cu ne pa sigui mehora nos pais.

​#MishaRaymond #MehorandoNosPais #RaizDenParlamento

𝑒𝑠𝑎𝑘𝑖 𝑙𝑜 𝑑𝑟𝑒𝑛𝑡𝑎 𝑛𝑎 𝑣𝑖𝑔𝑜𝑟 1 𝑑𝑖 𝑚𝑒𝑖 2024

Na 2022 Parlamentario y lider di fraccion Raiz, Misha Raymond, a manda un carta pa Minister Croes di Labor, na unda ta haci e peticion pa mehora e sistema di minimum loon, y pa esaki wordo basa riba un suma minimo pa ora. Lesa e contesta di Minister riba e follow-up carta di Parlamentario Parlamentario Misha Raymond. 🌱

​#MishaRaymond #MehorandoNosPais #RaizDenParlamento

11 di december, den Parlamento di Aruba durante tratamento di presupuesto supletorio 2023, Parlamentario y lider di fraccion Raiz, Misha Raymond, a duna un splicacion dicon ta asina importante pa mucha por ricibi fysiotherapie. Esaki ta un di e aspectonan di Misha su vision, pa tin un maneho den salubridad publico cu ta percura pa tin mas oportunidad igual, y ta boga pa introduci fysiotherapie pa mucha den e pakete basico di AZV. 🌱

#MishaRaymond #LuchaPeMucha #FysiotherapiePaMucha #RaizDenParlamento

𝐏𝐚𝐫𝐥𝐚𝐦𝐞𝐧𝐭𝐚𝐫𝐢𝐨 𝐌𝐢𝐬𝐡𝐚 𝐑𝐚𝐲𝐦𝐨𝐧𝐝: "𝐄 𝐭𝐞𝐦𝐚 𝐩𝐚 𝐡𝐚𝐛𝐫𝐢 𝐦𝐚𝐭𝐫𝐢𝐦𝐨𝐧𝐢𝐨 𝐩𝐚 𝐩𝐚𝐫𝐞𝐡𝐚 𝐝𝐢 𝐦𝐞𝐬𝐮𝐧 𝐬𝐞𝐱𝐨 𝐦𝐞𝐫𝐞𝐜𝐞 𝐬𝐮 𝐝𝐞𝐛𝐚𝐭𝐞 𝐩𝐨𝐥𝐢𝐭𝐢𝐜𝐨"

Wak e video unda Parlamentario y lider di Fraccion Raiz, Misha Raymond, ta elabora riba e topico di matrimonio pa pareha di mesun sexo.

​ #LuchaPaInclusion #MishaRaymond #RaizDenParlamento

𝐏𝐚𝐫𝐥𝐚𝐦𝐞𝐧𝐭𝐚𝐫𝐢𝐨 𝐌𝐢𝐬𝐡𝐚 𝐑𝐚𝐲𝐦𝐨𝐧𝐝 𝐜𝐨𝐧𝐭𝐞𝐧𝐭𝐨 𝐜𝐮 𝐋𝐨𝐠𝐨𝐩𝐞𝐝𝐢𝐞 𝐚𝐰𝐨𝐫 𝐭𝐚 𝐰𝐨𝐫𝐝𝐨 𝐜𝐮𝐛𝐫𝐢 𝐝𝐞𝐧 𝐩𝐚𝐤𝐞𝐭𝐞 𝐛𝐚𝐬𝐢𝐜𝐨 𝐝𝐢 𝐀𝐙𝐕.
𝐴 𝑙𝑜𝑔𝑟𝑎 𝑐𝑢 𝑑𝑒𝑠𝑝𝑢𝑒𝑠 𝑑𝑖 2 𝑎𝑛̃𝑎, 𝑙𝑜𝑔𝑜𝑝𝑒𝑑𝑖𝑒 𝑎𝑤𝑜𝑟 𝑡𝑎 𝑎𝑐𝑐𝑒𝑠𝑖𝑏𝑒𝑙 𝑝𝑎 𝑚𝑢𝑐ℎ𝑎 𝑡𝑒 𝑐𝑢 𝑎𝑑𝑢𝑙𝑡𝑜 𝑚𝑎𝑦𝑜𝑟.

9 di november 2021, Parlamentario y lider di Fraccion Raiz, Misha Raymond a entrega un mocion cu ta urgi Gobierno pa cubri logopedie den e pakete basico di AZV. Esaki a wordo aproba unanimamente, y Minister di Salubridad Publico a duna di conoce cu lo apoya e mocion aki.

𝐴𝑟𝑢𝑏𝑎 𝑚𝑒𝑠𝑡𝑒𝑟 𝑝𝑢𝑟𝑏𝑎 ℎ𝑎𝑦𝑎 𝑢𝑛 𝑚𝑖ℎ𝑜 𝑎𝑐𝑢𝑒𝑟𝑑𝑜 𝑐𝑢 𝐻𝑢𝑙𝑎𝑛𝑑𝑎.

​Fin di juni 2023, lider di fraccion di RAIZ, Misha Raymond, cu sosten di su fraccion y fraccion di MEP, a manda un carta pa Hulanda relaciona cu e mocion cu a wordo entrega den Tweede Kamer cu ta trata e refinanciamento di e debe di Covid-19 y RAFT (Rijkswet Aruba Financieel Toezicht). E mocion a urgi Gobierno Hulandes refinancia e debe di Aruba na un interes abou solamente si Aruba bay di acuerdo cu e RAFT pa asina Hulanda tin mas control riba supervision y normanan finaciero pa Aruba.

Durante tratamento den Parlamento di e ley pa introduci BBO na frontera, mi a expresa di no lo por sostene e introduccion aki sin un toezegging di Gobierno cu cubrimento di gasto di logopedia drenta na vigor no mas tarda cu BBO na frontera. Mi a ricibi critica pa tuma e paso aki, variando di critica indicando cu no por relata un ley di impuesto na cobertura di logopedia, te cu lo ta corupcion pa un parlamentario expresa un posicion asina. Permiti’mi pone mi decision den contexto.

Riba 5 di juli durante reunion publico, Parlamentario Misha Raymond a subraya di no lo por apoya un ley di BBO na frontera, cu ta relata na welvaart, sin cu ta haya apoyo di Gobierno tambe, pa duna ley di logopedie e mesun importancia y atencion, pa asina mehora e welzijn di nos pueblo y tambe nos pais.

​Na final di e prome tanda, Minister President di Aruba, durante contestacion, a duna di conoce cu Minister di salubridad publico, y departamento di wetgeving, a logra yega na un compromiso pa cu e posicion di Parlamentario Misha Raymond, y lo introduci logopedie pa 1 di augustus 2023

Awe merdia den Parlamento, Parlamentario y lider di fraccion Raiz, Misha Raymond, a extende un invitacion na Fundacion Autismo Aruba, pa asina haya sa ki reto e fundacion aki ta campa cu ne den nan trabou diario.

​Ta importante pa haya sa ki desafio esnan cu mas mester di ayudo specialisa den nos comunidad tin, pa asina nos por sigui lucha y trata na logra mehora e calidad di bida pa tur Arubiano.

Awe tardi nos ta den Parlamento di Aruba pa sigui haya mas informacion cu ta trata e introduccion di BBO na frontera. Nos a scucha di varios gremio pa haya sa con nan ta mira e situacion y kico den nan opinion ta un bon solucion.

Mi kier a gradici Kabinet van de Gevolmachtigde Minister van Aruba (ArubaHuis) pa con lihe nan a acepta e invitacion pa nos dialoga di e diferente precupacionnan di e rapport di e Ombudsman di Hulanda ‘Kopzorgen van Caribische studenten’ cu ta toca nos studiantenan na Hulanda.