𝐏𝐚𝐫𝐥𝐚𝐦𝐞𝐧𝐭𝐚𝐫𝐢𝐨 𝐲 𝐥𝐢𝐝𝐞𝐫 𝐝𝐢 𝐟𝐫𝐚𝐜𝐜𝐢𝐨𝐧 𝐑𝐚𝐢𝐳, 𝐌𝐢𝐬𝐡𝐚 𝐑𝐚𝐲𝐦𝐨𝐧𝐝, 𝐭𝐚 𝐦𝐚𝐧𝐝𝐚 𝐜𝐚𝐫𝐭𝐚 𝐲 𝐜𝐨𝐧𝐭𝐞𝐬𝐭𝐚 𝐩𝐚 𝐏𝐫𝐞𝐬𝐢𝐝𝐞𝐧𝐭𝐞 𝐝𝐢 𝐏𝐚𝐫𝐥𝐚𝐦𝐞𝐧𝐭𝐨
𝑇𝑎 𝑠𝑖𝑔𝑢𝑖 𝑏𝑜𝑔𝑎 𝑝𝑎 𝑦𝑎𝑚𝑎 𝑒 𝑟𝑒𝑢𝑛𝑖𝑜𝑛 𝑝𝑎 𝑡𝑟𝑎𝑡𝑎 𝑒 𝑙𝑒𝑦 𝑑𝑖 𝑚𝑎𝑡𝑟𝑖𝑚𝑜𝑛𝑖𝑜 𝑝𝑎 𝑝𝑎𝑟𝑒ℎ𝑎 𝑑𝑖 𝑚𝑒𝑠𝑢𝑛 𝑠𝑒𝑥𝑜, 𝑐𝑢 𝑡𝑎 𝑐𝑙𝑎 𝑑𝑒𝑠𝑑𝑒 𝑜𝑐𝑡𝑜𝑏𝑒𝑟 2023.

Lider di fraccion di RAIZ, parlamentario Misha Raymond, ta sigui boga pa Parlamento trata e ley di matrimonio entre pareha di mesun sexo, dirigiendo un di dos carta na Presidente di Parlamento, Esaki despues cu Presidente di Parlamento a bisa cu e ley lo wordo trata durante prome siman di februari 2024 (cual no a tuma luga), y despues cu algun miembro di Parlamento ta purba di pospone e tratamento di e propuesta di ley.

​

Un Presidente di Parlamento di Aruba no por maluza e autoridadnan di su funcion pa yuda algun parlamentario sigui pospone e tratamento.

Den e carta, cu a wordo manda riba diahuebs 21 di maart 2024, Misha Raymond ta ilustra con ya pa lunanan largo ta tardando e proceso pa yama e reunion den Parlamento pa trata e ley di matrimonio di mesun sexo, y cu ainda no a fiha un fecha pa trata e ley.

Parlamentario Misha Raymond ta di opinion cu Presidente di Parlamento no por sirbi interes di partido riba interes general, y ta haci un ultimo peticion pa yama e reunion y cumpli cu e debernan di Parlamento como representante di pueblo y co-legislador.

​Lesa e carta pa un splicacion mas amplio.